Plantun de Prouvènço

Pèr coumpara dos planto d'encò nostre

Myosotis discolor & Elytrigia intermedia

Te-vese-e-t'ame(-di-dos-coulour)

Myosotis discolor

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis bicolore, Myosotis de deux couleurs.

Descripcioun :
Aquéu te-vese-e-t'ame, coume lou dis soun noum, a de flour de dos coulour, jauno pièi bluio. Es uno planto pas trop coumuno que trachis dins li pelouso sablouso bagnado l'ivèr. Isto uno meno proche que ié dison lou te-vese-e-t'ame-doutous, Myosotis dubia, que vèn dins li mémi relarg, que fai de flour d'abord blanco, pu pichoto e que la cambo, pu grando elo, a pas jamai li fuio d'en aut "óupousado".

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 3 à 30 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 3 à 4 mm
Flourido : Printems

Sòu : Si
Autour basso e auto : 0 à 1200 m
Aparado : Noun
Mars à jun

Liò : Pelouso - Sablo - Ermas
Estànci : Termoumediterran à Mountagnard
Couroulougi : Paleoutemperado
Ref. sc. : Myosotis discolor Pers., 1797

Bauco(-mejansiero)

Elytrigia intermedia

Poaceae Graminaceae

Nom en français : Chiendent intermédiaire.

Descripcioun :
Aquelo bauco, di proun verdalo, trachis dins li tepiero, lis armas e peréu sus li limas de ribiero. Se recounèis majamen à si glumo redouno e coume trouncado (fotò). La subsp. presentado eici, ié dison intermedia.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,4 à 0,8 m
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : elytrigia
Famiho : Poaceae
Famiho classico : Graminaceae
Tribu : Triticeae
Ordre : Poales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun
Mai à juliet

Liò : Limas de ribiero - Tepiero - Ermas
Estànci : Mesoumediterran à Mountagnard
Couroulougi : Éurousiberiano-Sud
Ref. sc. : Elytrigia intermedia (Host) Nevski, 1933 (= Elymus campestris (Godr. & Gren.) Kerguélen, 1983 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis discolor & Elytrigia intermedia

ges

Coumpara Te-vese-e-t'ame(-di-dos-coulour) emé uno autro planto

Coumpara Bauco(-mejansiero) emé uno autro planto